“Миллий тикланиш” партияси депутати 1,65 миллиард сўм хайрия қилмоқда
“Миллий тикланиш” партияси аъзоси бўлган “Grand farm trade” компанияси раҳбарияти томонидан бир миллиард олти юз эллик миллион сўмлик хайрия ёрдами кўрсатилди.
“Миллий тикланиш” партияси аъзоси, “Grand farm trade” компанияси ҳудудий филиали раҳбари томонидан бир миллиард олти юз эллик миллион сўмлик хайрия ёрдами кўрсатилди.
Коронавирус инфекцияси тарқалишининг олдини олиш ва халқимизнинг эҳтиёжманд қатламини ижтимоий қўллаб-қувватлаш борасида олиб борилаётган хайрия тадбирларига ўз ҳиссасини қўшиш мақсадида “Grand farm trade” компанияси ҳудудий филиали раҳбари, Халқ депутатлари Андижон вилоят Кенгаши депутати Қаҳрамонжон Отахонов бошчилигида ёрдамга муҳтожларга озиқ-овқат маҳсулотлари етказиб берилмоқда.
Айни пайтгача Тошкент вилоятининг мингта хонадонига жами беш юз эллик миллион сўмлик хайрия ёрдамлари тарқатилди.
Акция Тошкент, Андижон, Наманган вилоятларида ўтказилиши режалаштирилган.
Ҳар бир вилоятдан мингтадан хонадонга 300 минг сўмлик озиқ-оқват маҳсулотлари, 250 минг сўмдан пул, жами битта оилага 550 минг сўмлик ҳайрия ёрдамлари кўрсатилади.
Умумий ҳисоблаганда битта вилоятнинг ўзига беш юз эллик миллион сўм ҳайрия қилинади.
Бундан ташқари депутат Андижон шаҳридаги дорихоналарда эҳтиёжмандлар учун бепул дорилар бурчакларини ташкил этиб, наъмуна кўрсатган эди.
Депутат Қаҳрамонжон Отахонов эл бошига иш тушганда хақиқатан исмига монанд қаҳрамонлик қилмоқда.
Эслатиб ўтамиз, ўтган ойда фарғоналик депутат Ўзбекистон Либерал-демократик партияси вакили уйини сотиб ҳайрияга ишларини амалга оширган эди.
