Жорий йилнинг март ва апрель ойларида мамлакатимиз ФИФА томонидан ташкил этиладиган "FIFA Series-2026" халқаро турнирига мезбонлик қилади.

Мазкур мусобақа миллий терма жамоалар учун халқаро тажриба алмашиш ва ФИФА рейтингидаги ўрнини янада яхшилаш имконини беради. "FIFA Series-2026" халқаро турнирида иштирок этиш учун юртимизга Исландия, Габон ҳамда Тринидад ва Тобаго терма жамоалари ташриф буюради.  

Эслатиб ўтамиз, Фабио Каннаваро бошчилигидаги терма жамоамиз АҚШ, Мексика ва Канада мамлакатлари мезбонлик қиладиган футбол бўйича Жаҳон чемпионатининг “К” гуруҳидан ўрин олган ва унда Португалия, Колумбия, Конго/Ямайка/Янги Каледония терма жамоалари билан рақобатлашади.

Жавоҳир Тошхўжаев,

ЎзА