Фарғона вилояти Қувасой шаҳридаги «Ҳамдўстлик» МФЙда истиқомат қилувчи Розияхон Маллабоева бир неча йиллардан буён ўз хонадонида миллий қўғирчоқлар тайёрлаб, ички бозорга ҳамда қўшни Қирғизистондаги харидорларга етказиб бермоқда.

Болаларнинг севимли эртак қаҳрамонлари тимсолида яратиладиган кенг ассортиментдаги маҳсулотлар табиий ипакдан, миллий услубда тайёрланиши харидорларга ғоятда манзур.

- Қўғирчоқбозлик санъати болаларнинг беғубор олами каби поклик ва тўғриликни ёқтиради, - дейди моҳир ҳунарманд. - Бу ҳунар билан шуғулланиш жуда ҳам завқли.

[gallery-27237]

Айни пайтда маҳалладаги 15 нафардан зиёд қиз Розияхонга шогирд тушиб, мазкур ҳунар сирларини ўрганмоқда. Қўғирчоқбозлик бўйича мустақил фаолиятини бошлаган шогирдлари ҳам талайгина.

Тажрибали ҳунарманд ижтимоий тармоқда махсус савдо платформасини ташкил этиб, ўз маҳсулотларини Самарқанд, Бухоро ва Хоразм вилоятида жойлашган туризм масканларига етказиб бераётир.

<iframe width="640" height="480" src="https://www.youtube.com/embed/jj_9prDTXbE?si=ocqn-7jiiF9zUwYY" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

ЎзА фотомухбири

Муқимжон ҚОДИРОВ олган сурат ва видео.