Шиддатли беллашувлари ва завқ-у шавқи билан дунё спорт жамоатчилиги эътиборида бўлган 19-Осиё ўйинларида кураш беллашувларининг ўтказилиши азалий қадриятларимизнинг халқаро майдондаги ривожига беқиёс ҳисса қўшди.

Жаҳон спорт мухлислари Осиё ўйинларида яна бир карра курашнинг жозибасидан баҳра олди. Ўзбекистон байроғидан жило олган кураш яктакларида беллашган қитъа полвонлари миллий спортимиз бўйича “Ханчжоу-2022” медалларига эга чиқди.  

19-Осиё ўйинлари дастуридан 40 та спорт турининг 61 та йўналиши жой олган бўлса, улар орасида миллий қадриятларимизнинг ажралмас қисми кураш беллашувлари ташкил этилгани Ўзбекистон спорт ҳаракатининг халқаро майдондаги янги ғалабаси сифатида талқин этиш мумкин.  

“Ханчжоу-2022” ўйинлари мобайнида қитъанинг 45 давлати спортчилари кураш мусобақаларида ўз омадини синаб кўрди. Беллашувлар якунида тўққизта давлат вакиллари 19-Осиё ўйинларининг медаллари билан тақдирланди.  

Медаллар жамғариш борасида Ўзбекистон терма жамоаси 4 та олтин, 1 та кумуш ва 1 та бронза медалга эга чиқиб, умумжамоа ҳисобида биринчи ўринни эгаллади. 

Ўтказилган ёзги Осиё ўйинларидаги кураш мусобақалари қай тарзда ташкил этилгани, миллий спортимизнинг “кичик олимпиада” ўйинлари тизимига кириш жараёнлари, Ханчжоудаги кураш беллашувларининг тафсилотлари хусусида Ўзбекистон кураш федерацияси бош котиби Алишер Эшонқулов билан суҳбатлашдик.  

Суҳбат билан ЎзАнинг “Youtube” канали орқали танишишингиз мумкин.    

<iframe width="640" height="360" src="https://www.youtube.com/embed/h837yPGHH6g" title="Миллий қадриятларимиз гултожи бўлган кураш “Ханчжоу-2022” ўйинларининг безаги бўлди" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

ЎзА мухбири  

Тўлқин Рўзиев  

суҳбатлашди