Бағрикенглик, ҳамжиҳатлик халқимизга хос қадриятлардир. Бугунги кунда вилоятда ҳам турли миллат вакиллари аҳил-иноқликда яшаб, ҳар жабҳада меҳнат қилмоқда, ташаббус ва имкониятлардан фойдаланаётир. 

Миллий маданият марказлари турфа халқ ва элатларнинг урф-одат, қадриятларини бирлаштирувчи қутлуғ маскан. Вилоятда славян, корейс, немис, татар, турк, яҳудий, тожик, қирғиз сингари миллий маданият марказлари самарали фаолият юритмоқда. Уларниҳар томонлама қўллаб-қувватлаш доимий эътиборда.

Вилоят ҳокими миллий маданият марказларига автомашиналарнинг калитини топширди.

– Фарғонада 5 минг нафардан зиёд корейслар яшайди, - дейди корейс миллий маданият маркази раҳбари Виктор Лян. – Бугун вилоят ҳокими ташаббуси билан туҳфа қилинган янги автомашиналар тинчлик-тотувлик, дўстлик ришталарини боғлашда янги имкониятлар яратди. Ўзбекистон умумий уйимиз. Биз шу қутлуғ ватанда аҳил-иноқ, ўз уф-одат ва анънларимизга мувофиқ яшаб келяпмиз.

Вилоят раҳбари миллий маданият марказлари томонидан тинчлик-тотувлик, халқлар дўстлигини мустаҳкамлаш борасида амалга оширилаётган ишлар билан яқиндан танишди. 8 та миллий маданият марказлариниг ҳар бирига фаолиятини ташкил этиш учун 50 миллион сўмдан маблағ, автомашиналар учун ёқилғи ажратиб берилди.