Milliy kinofond uchun yangi imkoniyatlar
Toshkent xalqaro kinofestivali doirasida O‘zbekiston Respublikasi Milliy kinofondining yangilangan binosi ochilish marosimi bo‘lib o‘tdi.
Aytish kerakki , yurtimiz Milliy kinofondi kino sohasida mamlakatimizda kechayotgan keyingi yangilanishlar jarayonida samarali faoliyat ko‘rsatib kelayotgan bo‘lsa-da, uning yangilangan binosi kinochilar uchun o‘ziga xos tuhfa bo‘ldi.
Tadbirda ta’kidlanganidek, milliy kino boyligimizni asrab-avaylashga katta e’tibor qaratilmoqda. Milliy kino fond nodir kinematografiya hujjatlarini saqlash, o‘rganish, raqamlashtirish, ommalashtirish imkonini berishi bilan ahamiyatlidir.
Yangilangan binoda kino materiallarni tadqiq etish uchun zarur bo‘lgan texnika jihozlari, laboratoriyalar muhayyo etilgan.
N.Usmonova,
O‘zA