Миланда терроризмге қатысы бар деген күдікпен 19 жастағы итальяндық қыз ұсталды
Италияның құқық қорғау органдары Миланда лаңкестік топқа қатысы бар деген күдікпен19 жастағы ел азаматын ұстады.
«Миландағы лаңкестікке қарсы операция барысында тегі Косоводан шыққан 19 жастағы итальяндық азамат қолға түсті. Ол лаңкестік мақсатты көздеген топқа қатысы бар деген күдікпен ұсталды, делінген полицияның Twitter-дегі хабарламасында.
ANSA агенттігінің хабарлауынша, тұтқынға алынған азаматша «Ислам мемлекеті» лаңкестік тобын қолдаған. Ол қазір қамауда. Тергеу барысында ұсталған жанның күйеуі 2020 жылдың қарашасында Венада теракт ұйымдастырған лаңкестің туысы екені де анықталды, деп хабарлайды агенттік.