Туркияда Халқаро теннис федерацияси томонидан аёллар ўртасида W15 таснифига кирувчи нуфузли мусобақада ҳамюртимиз Милана Масленкова иштирок этмоқда.

Милана халқаро турнирнинг яккалик беллашувлари биринчи даврасида латвиялик Сабине Рутлаукага қарши кортга чиқди. Ушбу учрашувда теннисчимиз дастлабки сетни қийинчиликсиз 6:1 ҳисобида ўз фойдасига ҳал этган бўлса, иккинчи сетда тай-брекка қадар ўйин ўтказган ҳолда зафар қучди.  

Шу тариқа, иккинчи даврага чиққан Милана Масленкова чорак финал йўлланмаси учун ўтадиган навбатдаги учрашувда руминиялик Глориа Попга қарши баҳс олиб боради.

Эслатиб ўтамиз, 24 ёшли теннисчи қизимиз ўтган ҳафтада Туркияда ўтган “W15 Kayseri” мусобақасида чорак финалга қадар етиб борган эди.

Жавоҳир Тошхўжаев,

ЎзА