Ўзбекистон Республикаси мудофаасига кўмаклашувчи “Ватанпарвар” ташкилоти ташкил топганлигининг 30 йиллигига бағишлаб Ёзги олимпиада ўйинлари дастурига киритилган пневматик қуролдан ўқ отиш бўйича Наманган вилояти ҳокими кубоги учун вилоят биринчилиги 4-босқич мусобақаси бўлиб ўтди.

Наманган шаҳар ўқув спорт техника клубига қарашли ўқ отиш мажмуасида ўтказилган мусобақада туман ўқув спорт техника клублари, Наманган вилоят техник ва амалий спорт турлари маркази ва Наманган шаҳар ўқув спорт техника клуби тарбияланувчиларидан таркиб топган 13 жамоа иштирок этди.
Мусобақада 9 ёшдан 32 ёшгача бўлган 164 нафар спортчи ўз мерганлик маҳоратини намойиш этди.

[gallery-4767]

Якуний натижаларига кўра, Наманган вилоят техник ва амалий спорт турлари маркази жамоаси фахрли биринчи, Наманган шаҳар ўқув спорт техника клуби спортчилари иккинчи ва Тўрақўрғон туман ўқув спорт техника клуби жамоаси учинчи ўринни эгаллади.

Мусобақа ғолиб ва совриндорларига “Ватанпарвар” ташкилоти томонидан медаллар, фахрий ёрлиқлар ва эсдалик совғалари топширилди.


   

 Ҳотам МАМАДАЛИЕВ (сурат), ЎзА