Дүниежүзілік бокс қауымдастығының (WBA) басшылығы филиппиндік боксшы Мэнни Пакьяоны WBA Super белбеуінен айыру туралы шешім қабылдады.

42 жастағы бокс супер жұлдызы «зейнеттегі чемпион» атағына ие болған. Демек, егер Мэнни Пакьяо рингке оралғысы келсе, алғашқы жекпе-жекте-ақ толық чемпиондық белбеу үшін рингке шығуға құқылы болады.

WBA басшылығы мұндай шешімді боксшының рингте ұзақ уақыт болмағандықтан және міндетті титулды қорғау жекпе-жегін өткізбегені үшін қабылдады. Пакьяо соңғы рет Кит Турманмен 2019 жылы жекпе-жек өткізіп, жеңіске жеткен еді.