“Менинг йўлим” лойиҳаларини молиялаштириш учун республика бўйича 412.40 млрд. сўм маблағ йўналтирилади
Иқтисодиёт ва молия вазирлигининг маълум қилишича, 7 май куни соат 18:00да “Очиқ бюджет” ахборот порталида эълон қилинган “Менинг йўлим” лойиҳасининг жорий йилги мавсумига овоз бериш жараёни якунланди.
27 апрелдан 7 май кунига қадар давом этган овоз бериш жараёни натижаларига кўра, 517 та лойиҳа ғолиб деб топилди.
Овоз бериш жараёнида 8 миллион 93 минг 918 нафар юртдошимиз фаол иштирок этди.
Ғолиб бўлган лойиҳаларни молиялаштириш учун республика бўйича 412.40 млрд. сўм маблағ йўналтирилади.
ЎзА