Өзбекстанда 2024/2025 оқу жылында бакалавр мен магистратураға арналған мемлекеттік грант белгілі болды.

Әділет министрлігінің хабарлауынша, 2024/2025 оқу жылында мемлекеттік жоғары оқу орындарына қабылдауға мемлекеттік тапсырыстың параметрлері бойынша, бакалавриаттың күндізгі бөліміне 34 838, магистрлерді даярлау бойынша 9365 грант бөлінген.

Сондай-ақ, Жоғары білім, ғылым және инновациялар министрлігі бір апта ішінде Мемлекеттік комиссияға келесі ұсыныстарды енгізеді:

• Республика аумағында білім беретін шетелдік жоғары оқу орындары мен олардың филиалдары және мемлекеттік емес жоғары оқу орындарына 1200 мемлекеттік грант бөлу;
• Отбасы және қыз-келіншектер комитетімен бірлесіп әйелдерге арналған 2000 мемлекеттік грант бөлу;
• Өзбек тілі мен әдебиеті, тарих, мәдениет, өнер және қолданбалы өнер салаларында білім алуға ниет білдірген шетелде тұратын жас отандастар үшін 30 мемлекеттік грант бөлу.