Президент Шавкат Мирзиеевтің төрағалығымен еліміз өміріндегі аса маңызды мәселе – мемлекеттік қызметті реформалауға арналған бейне байланысты кеңесі өтуде.

Онда, бесінші бағыт – мемлекеттік қызметшілерді оқыту мен біліктілігін арттырудың мүлде жаңа жүйесі іске қосылады.

– Қазіргі жылдам өзгеріп жатқан әлемде күн сайын жаңа қиындықтар мен мәселелер туындайды. Сондықтан әрбір маман өз бетімен жұмыс істеп, жаңа білім алуы керек, деді Президент.

Осы уақытқа дейін мемлекеттік қызметшілердің 20 пайызы ғана кәсіби дайындықтан өткен, бұл басшылардың 1 пайызына, орынбасарлардың 5 пайызына да жетпейді.

Сондай-ақ, біліктілігін арттырғандардың 50 пайыздан астамы оқыту сапасына көңілі толмайды.

Осыған орай, негізгі институт болып табылатын Мемлекеттік басқару академиясы озық шетелдік тәжірибе негізінде қайта құрылатын болады.

Кездесуде Президенттің кеңесшісі Сума Чакрабарти бейнебайланыс арқылы осыған байланысты өз ұсыныстарын жеткізді.

Бір ай ішінде уәкілетті органдарға:

- шетелдік серіктестер және беделді білім беру орталықтарымен бірлескен білім беру бағдарламаларын жолға қою;

- шетелдік мамандарды тарту, жаңа білім беру бағдарламаларын әзірлеу және жыл соңына дейін 5 мың мемлекеттік қызметкерді оқыту тапсырылды.

Министрлер Кабинеті екі ай ішінде министрліктер жүйесіндегі 110 оқу орталығының қызметін қарап, оқыту бағдарламалары мен әдістерін жаңарту, оларға білікті мамандарды тартудың мақсатты бағдарламасын бекітеді.