Бұл туралы Өзбекстан Республикасы Президентінің баспасөз хатшысы Шерзод Асадов журналистерге арналған кезекті брифингте мәлімдеді.

Брифингте, Мемлекет басшысының өткен аптадағы қызметі туралы қысқаша ақпарат беріліп, осы аптада күтілетін маңызды оқиғалар туралы баяндалды. 

Өткен аптаның маңызды оқиғасы Президент Шавкат Мирзияев 27 қазанда «Орталық Азия – Еуропалық Одақ» форматындағы бірінші саммитке қатысу үшін Астанаға жұмыс сапармен барды.

Мемлекет басшысы саммитте сөйлеген сөзінде Өзбекстанның заң үстемдігін қамтамасыз ету, кәсіпкерлер үшін барынша қолайлы жағдай жасау, сыбайлас жемқорлықпен күресу, бәсекеге қабілетті және инновациялық бизнес ортаны дамыту бағытында екенін айтты.

28 қазанда Мемлекет басшысы Өзбекстанға жұмыс сапармен келген Еуропа Кеңесінің төрағасы Шарль Мишельді «Көксарай» резиденциясында қабылдады.

Кездесулерде көпқырлы ынтымақтастықты одан әрі кеңейту мәселесі қаралып, халықаралық және өңірлік күн тәртібі бойынша пікір алмасылды. Өзбекстандағы демократиялық жаңарулар мен экономикалық реформаларды, ең алдымен, инновациялар, «жасыл» экономика, цифрландыру салаларында практикалық ынтымақтастықты кеңейту бойынша бірлескен жұмысты жалғастыру туралы келісімге қол жеткізілді.

Келіссөздер барысында Өзбекстанда сөз бостандығын қамтамасыз ету бағытында атқарылып жатқан жұмыстарға ерекше назар аударылды. Мемлекет басшысы Өзбекстанның сөз бостандығын қамтамасыз ету саласында Еуропалық Одақпен өте тығыз және ашық ынтымақтастықты жалғастыруға дайын екенін білдірді. Осы бағыттағы жұмыстардың нәтижелерін бағалау және бұқаралық ақпарат құралдарын одан әрі қолдау бойынша ұсыныстар әзірлеуге келісілді.

Кездесу соңында Өзбекстан Республикасы Президенті мен Еуропа Кеңесі Төрағасының бірлескен баспасөз мәлімдемесі қабылданды.

Осы аптада Мемлекет басшысының қатысуымен көптеген кездесулер мен іс-шаралар өтеді.

Бүгін таңертең Ауыл шаруашылығы министрі Азиз Воитов Мемлекет басшысына ауыл шаруашылығы өнімдерін өсіру және осы бағыттағы жылыжайлардың қызметін қолдау мәселесі бойынша есеп берді.

Күннің екінші жартысында сала басшыларының қатысуымен өңірде және салаларда энергия тиімділігін қамтамасыз ету шаралары туралы презентация жоспарланған.

Сондай-ақ, осы апта ішінде экономика салаларына берілген жеңілдіктердің тиімділігін зерделеу нәтижелерін талқылау, жергілікті өнеркәсіпті одан әрі дамыту және жаңа резервтерді жұмылдырудың қолда бар мүмкіндіктері туралы кеңейтілген кеңес және сот төрелігін қамтамасыз ету, сот реформаларын одан әрі жетілдірудің басым міндеттері туралы баяндамалар өткізу жоспарланған. 

Басталған жұмыс аптасында сыртқы саяси мәселелерге қатысты бірқатар шаралар өтеді.

1 қарашада Мемлекет басшысы Германия Сыртқы істер министрі Анналена Бербок бастаған делегацияны қабылдайды. Кездесуде екіжақты қарым-қатынастар, сауда-экономикалық, энергетикалық ынтымақтастық перспективалары талқыланып, аймақтық мәселелер бойынша пікір алмасады.

3 қарашада Мемлекет басшысының БАӘ Үкімет істері министрі Мұхаммед бен Абдулла әл-Гаргавимен кездесуі жоспарланған.