Өзбекстан Республикасының Президентіне спорт саласындағы негізгі шаралар мен жоспарлар туралы ақпарат берілді.

Бүгінде республикада спорт қарқынды дамып келеді. Футбол, волейбол, бокс, күрес, шахмат, теннис, ауыр және жеңіл атлетиканың көптеген түрлері танымал болған. Мемлекет басшысының идеясымен ұйымдастырылған «Бес бастама олимпиадасы» жас ұрпақ арасында дене шынықтыруды таратуға қызмет етуде.

Презентацияда бұқаралық спортты, этноспорт пен гимнастиканы дамыту бойынша ұсыныстар қарастырылды.

Атап айтқанда, «Бес бастама олимпиадасында» спорт түрлері санын 9-дан 12-ге дейін көбейтіп, мүмкіндігі шектеулі жандар арасында алғаш рет спорттың 5 түрін өткізу ұсынылып отыр. Жыл сайын Наурыз мейрамы қарсаңында Сұрхандарияда өтетін халықаралық ат спорты жарысын республиканың өзге өңірлерінде де ұйымдастыру жоспарлануда. Жеке жекпе-жектерге әлеуетті дұрыс бағыттау үшін барлық спорт мектептерінде қол күресі үйірмелерін ашу жоспарлануда.

2022 жылғы 25 мамырда Президенттің «Этноспортты кеңінен насихаттау және дамыту туралы» қаулысы қабылданғаны белгілі. Онда, сонымен қатар, халықаралық этноспорт фестивалі Хиуа қаласында екі жылда бір рет өткізіліп тұруы қарастырылған.

Алғашқы фестиваль биылғы жылдың 7-10 қыркүйегінде Ичан қалада өтеді деп жоспарлануда. Оның аясында халық ойындары мен спорттық жарыстар, қолөнер көрмелері, аспаздық чемпионат, сахналық бағдарламалар өтеді.

Мемлекет басшысы фестивальді жоғары деңгейде өткізуге дайындықты, қатысушылар мен туристер үшін барлық қолайлылықты жасауды, Хиуа қаласында «Халықаралық этнофестиваль саябағын» ұйымдастыруды тапсырды.

Мемлекет басшысының 2022 жылғы 23 желтоқсандағы қаулысына сәйкес гимнастика спортын дамыту бағытында ауқымды жұмыстар атқарылуда. Атап айтсақ, Нөкіс, Самарқанд, Ферғана қалаларында гимнастика спорты бойынша оқу орталықтары құрылуда. Олар мамандандырылған спорттық-білім беру мекемесі, түлектерге жаттықтырушы және селекционер мамандығы бойынша диплом беріледі. Қазіргі таңда орталық ғимараттарын салу, қайта жаңарту және жабдықтау жобалары әзірленуде. Бұл спорт мекемелері 2024/25 оқу жылынан бастап жұмыс істей бастайды.

Мемлекет басшысы бұл орталықтарда спортшыларды дайындаудың ең озық әдістерін енгізу, диетологияны дамыту, оқушыларды тасымалдауға қолайлы жағдай жасау қажеттігін атап өтті.