Құрметті отандастар!

Еліміз момын-мұсылмандарын және барша халқымызды жер бетінде ислам үмбеті кеңінен атап өтетін ұлық әрі берекелі Ораза айт мейрамымен шын жүректен құттықтаймын.

Ел-жұртымыз үшін адамгершілік, шыдамдылық, кең пейілділікті және ризалық сипатын білдіретін бұл мерекеде барлығыңызға құрметім мен ізгі тілектерімді білдіремін.

Барлығымыз куәсі болғандай, бір жылдан астам уақыттан бері бүкіл әлеммен бірге, біздің Өзбекстанымыз да пандемияға байланысты қиын сынақтарды бастан өткеруде.

Бұл тұрғыда Рамазан айы мен Ораза айт мерекесінің негізінде пайда болған мейір-шапағат, мұқтаж жандарға жан-жақты қолдау мен көмек көрсету, өмірлік уайымдар мен мәселелерді бірлесіп шешу сынды асыл құндылықтар ерекше маңызды.

Бұл туралы сөз айта отырып, халқымыздың бай және ежелгі діни және рухани мұраларын қалпына келтіру мен насихаттау, ұлы бабаларымыздың қасиетті орындарын көріктендіру бойынша жүргізіліп жатқан елеулі жұмыстарды атап өту қажет.

Атап айтқанда, Қашқадария облысында - теологияның әйгілі өкілі Абу Муин Насафий, Наманган облысында - мистицизмнің ірі өкілі Сұлтан Увайс Караний, Ташкентте Сузук ота мемориалдық кешендері салынды. Көптеген мешіттер, медреселер мен діни ескерткіштер қалпына келтіріліп, жөнделуде, Ислам өркениеті орталығының құрылысы қарқынды жүріп жатыр.

Осынау қасиетті Рамазан айында тағы бір игі істі бастадық - мұсылман әлеміндегі теңдессіз бедел мен құрметке лайықты ұлы хадис бабамыз Имам Бұхариге Самарқанд облысында мемориалдық кешен салуды қолға алдық.

Ауқымы мен көлемі кеңейіп келе жатқан мұндай игі жұмыстар жаңа Өзбекстанды құру, елімізде Үшінші Ренессанстың қабырғасын қалау, Отанның дамуы мен халық әл-ауқатын арттыру жөніндегі асыл мақсаттарымызға сәйкес болып, барлық отандастарымызды осы идеялар айналасында одан әрі біріктіруге қызмет ететіндігі ерекше назар аудартады.

Құрметті достар!

Бүгінгі қарыштап дамып бара жатқан заман кезеңі дін және ағарту саласында жаңа міндеттер қоюда.

Әсіресе, бүкіл әлемде бәсекелестіктің күшейіп, қаталды түс алғаны, тұрақтылыққа төнетін қатерлердің күрделене түсуі бізді әрқашан қырағылық танытуға және балаларымызды физикалық және рухани өсіру сияқты ең жауапты жұмыстарға басымдық беруге шақырады.

Өйткені, ислам - бұл ең алдымен бейбітшілік пен достықтың, келісім мен ынтымақтастықтың, білім мен ағартушылықтың діні. Бұл біз ешқашан ұмытпауымыз керек ең жоғарғы шындық.

Біздің ағартушы бабамыз Махмудходжа Бехбудидің «Әлемде өмір сүру үшін зайырлы ғылым мен білім қажет» деген сөзі бүгінгі күнге дейін өзекті болып табылады.

Сондықтан діни құндылықтарымызды және ұлттық болмысымызды дәріптей отырып, қазіргі ғылыми жетістіктерді, ақпараттық технологияларды игеруге баса назар аударып, жас ұрпағымызды жалпыадамзаттық құндылықтар рухында тәрбиелеуіміз керек.

Қадірлі жерлестер!

Алла Тағаланың нығметі жауатын осынау жарқын әрі нұрлы күнде сіздерді тағы да Ораза айт мейрамымен шын жүректен құттықтаймын.

Әлемнің жақын-да алыс мұсылмандарын шын жүректен құттықтаймын және оларға бейбітшілік, тұрақты даму және өркендеу тілеймін.

Қасиетті Рамазан айында еңбекқор және мейірімді халқымыздың барлық жақсы ниеттері мен дұғалары қабыл болсын!

Жаратушы Еліміз бен халқымызды түрлі бәле-жаладан сақтасын!

Шавкат Мирзияев,

Өзбекстан Республикасы Президенті