9 желтоқсанда Президент Шавкат Мирзияевтің төрағалығымен туризм және спорт саласында атқарылып жатқан жұмыстар мен алдағы жылға арналған міндеттерді талқылау жөнінде бейнеконференция өтті.

Өзбекстанда туризм экономиканың стратегиялық салаларының бірі ретінде дамып келеді. Бұл бағытта жағдайлар бірқатар қаулы мен шешімдер негізінде кеңейтілуде. Атап айтқанда, азаматтары Өзбекстанға виза талап етпейтін елдер саны 9-дан 86-ға дейін көбейтіліп, 53 мемлекетке «электронды виза» жүйесі енгізілді. Туризм үшін қиын болған осы жылы бұл саладағы субьектілерге толықтай қолдау көрсетілді, оларға субсидиялар мен несиелер берілді.

Келесі жылы 1,7 миллион шетелдік және 7,5 миллион жергілікті туристерді тарту, туристік қызметтер экспортын 370 миллион долларға дейін арттыру жоспарланып отыр. Осыған байланысты ең үлкен дерек көзі, ең алдымен, қажылық туризмі. Біздің елімізде көптеген исламдық храмдар, еврей және будда ескерткіштері бар. Осы мүмкіндікті пайдалана отырып, 700 мың зияратшыны тартуға және 130 млн долларлық қызметтік экспортты жасауға болады.

Сондықтан келесі жылдан бастап Еуропа елдеріне, Малайзияға, Индонезияға, Пәкістанға, Таиландқа, Жапонияға рейстерді біртіндеп қалпына келтіріп, жаңа рейстерді ашу туралы тапсырма берілді. Ұлттық әуе компаниямыздағы билеттердің қымбаттығы сынға алынып, оны төмендету міндеті қойылды.

Мемлекет басшысы қажылық туризмінде үгіт-насихат пен ғылыми тәсілдің жоқтығын айтып, осы бағыттағы жұмысты Өзбекстанның шет елдердегі елшіліктерімен бірлесе отырып кеңейту маңызды екендігін білдірді. 

Осы саладағы жұмысты үйлестіру мақсатында Премьер-Министрдің орынбасарлары басқаратын ведомствоаралық комиссия құру туралы шешім қабылданып, комиссия ұшуларды ұйымдастырумен, оларға қол жетімділікті жеңілдету, ұшулар географиясын кеңейту және әуежай қызметін жетілдірумен жүйелі түрде айналысады.

«Өзбекстан бойынша саяхаттаңыз!» Ішкі туризм бағдарламасы келесі жылы да жалғасады. Осы мақсатта Ораза айт, Құрбан айт, Наурыз, Тәуелсіздік күні және Жаңа жыл мерекелері қарсаңында қосымша демалыс күндері белгіленеді. Сондай-ақ маусымдық емес саяхаттар үшін ішкі туризм айлығы, апталығы мен күндері бар.