Автокөлік құралдарын тіркеу және диагностикалау орталығына барған кезде Президент Шавкат Мирзиёевке Ташкент қаласындағы көліктердің қозғалысы көп қиылыстар мен көшелерді ретке келтіруге, сол арқылы кептелістерді жоюға қатысты жоба ұсынылды.

Жобаның негізгі үш мақсаты бар - жаяу жүргіншілердің қауіпсіздігі мен ыңғайлылығы, қоғамдық көлікке басымдық, өткізу қабілетін арттыру және жол-көлік оқиғаларының санын азайту.

Осы жоба Ташкент қаласының ірі қиылысында – «Бабыр» мен «Фурқат» көшелерінің қиылысында сынақ ретінде жүзеге асырылды.

Жаяу жүргіншілер үшін жол қиылыстарында «Қауіпсіздік аралдары» құрылды, жаяу жүргіншілер өткелінде бағдаршамды басқару қондырғылары орнатылды. Қоғамдық көлік аялдамалары жолаушыларға шығып-түсуін жеңілдету үшін қайта жобаланды.

Сондай-ақ, қиылыстарда ұзындығы ағынға бейімделген интеллектуалды бағдаршамдар жүйесі орнатылды.

Осындай жобаларды жүзеге асыру нәтижесінде қиылыстардың өткізу қабілеті айтарлықтай артып, кептеліс азайып, қоғамдық көліктердің жұмысы тиімдірек болады.

Мемлекет басшысы бұл жұмыстарды кеңейту, «Қала - жаяу жүргіншілер үшін» қағидатын толық жүзеге асыру жөнінде жауаптыларға тиісті тапсырмалар берді.