Өзбекстан Республикасының Президенті Шавкат Мирзиёев Бейжің қаласына жасаған жұмыс сапары аясында өзіне арналған резиденцияда «State Grid» компаниясының төрағасы Син Баоанды қабылдады.

Қытайдың электр желілері корпорациясы осы салада әлемдік көшбасшы болып табылады және Fortune Global 500 рейтингінде жоғары орынға ие.

Компанияның электр жеткізу желілерін салу және пайдалану бойынша, соның ішінде шет елдерде ауқымды жобаларды жүзеге асыруда үлкен тәжірибесі бар. Оның активтері шамамен 800 миллиард долларды құрайды.

Осы компанияның қатысуымен перспективалық жобаларды жүзеге асыру, оның ішінде жоғары вольтты электр желілерін салу және инфрақұрылымдық нысандарды жаңғырту, онда озық инженерлік шешімдер мен жоғары технологияларды енгізу талқыланды.

Өзбекстанда энергетика саласы үшін жоғары білікті мамандарды даярлауға ерекше көңіл бөлінді.

Бірлескен жобаларды жеделдетуге бағытталған «жол картасын» қабылдауға келісілді.