Өзбекстан Республикасының Президенті Шавкат Мирзиёев 11 қараша күні Эр-Рияд қаласында өтіп жатқан кезектен тыс Араб-ислам саммиті аясында Сауд Арабиясының энергетика министрі, ханзада Абдулазиз бин Салман Әл Саудты қабылдады.

Кездесу барысында Бірлескен инвестициялық жобаларды жүзеге асыру және «жасыл» энергетика саласындағы практикалық ынтымақтастықты одан әрі кеңейту мәселелері талқыланды. 

Мемлекет басшысы Өзбекстан энергетика саласын тікелей инвестициялар мен озық технологиялар негізінде модернизациялауда белсенді рөл атқарып келе жатқан жетекші «ACWA Power» компаниясымен тиімді ынтымақтастық орнатылғанын ерекше атап өтті. 

Сондай-ақ, Өзбекстанда жел және күн электр станцияларын салу, «жасыл» сутегі өндірісі жобаларын жеделдету мәселелеріне ерекше назар аударылды. 

Өзбекстанда жергілікті өндірісті дамыту және кәсіпорындардың энергия тиімділігін арттыру үдерістеріне Сауд Арабиясының компаниялары мен кеңесшілерін тарту туралы келісімге қол жеткізілді.