Өзбекстан Республикасы Президентінің баспасөз хатшысы Шерзод Асадов журналистер үшін кезекті брифинг өткізді.

Онда, Мемлекет басшысының өткен аптадағы қызметі туралы қысқаша ақпарат беріліп, осы аптада күтілетін маңызды оқиғалар туралы баяндалды.

8 тамызда Мемлекет басшысы Орталық Азия елдерімен ынтымақтастықты кеңейту мәселелері бойынша кеңес өткізді.

9 тамызда өткен таныстырылымда халықаралық көлік дәліздерін дамыту арқылы экспортты арттыру шаралары талқыланды.

10 тамызда Президент Ташкенттегі құрылыс жұмыстарымен танысты. Алдымен Мемлекет басшысы жаңадан салынған Ташкент сәулет-құрылыс институтына барды. Келесі бағыт Юнусабад ауданындағы «Сабирабад» махалласы болды. Мемлекет басшысы мұнда жүргізіліп жатқан абаттандыру жұмыстарын аралап көрді, белсенділермен сұхбаттасты.

[gallery-8310]

Өткен аптада тағы бір маңызды сапар 12 тамызда Бегабад қаласына болды. Онда Мемлекет басшысы Өзбекстан металлургия комбинатының екі жобасымен танысты: біріншісі – биыл пайдалануға берілген арматура кәсіпорны, екіншісі – қазір салынып жатқан құю-прокат кешені. 

Бегабад қаласына сапарының соңында Шавкат Мирзияев «Металлург» клубының жанынан ашылған футбол академиясында болды.

Үндістанның Ченнай қаласында өткен шахмат олимпиадасында Өзбекстан құрамасы жеңіске жетті. Бұл – ел тарихындағы алғашқы жеңіс. Бүкіл ел қатары осы жағдай Президентті де қатты қуантты. Мемлекет басшысы бірден шахматшыларымызға телефон соғып, оларды құттықтады. Арнайы жарлықпен шахматшылар және жаттықтырушылар мемлекеттік наградалармен марапатталды.

Осы аптада, Мемлекет басшысы 17-18 тамыз күндері Қос қасиетті мешіттің қызметкері, Сауд Арабиясының Королі Салман бен Әбделазиз Әл Саудтың шақыруымен осы елге мемлекеттік сапармен барады.

Сапар бағдарламасына сәйкес, Жидда қаласында жоғары деңгейдегі келіссөздер өтеді. Оларда екі ел арасындағы көпжақты ынтымақтастықты одан әрі кеңейту мәселелерін талқыланады.

«Жасыл экономика», жоғары технологиялар мен цифрландыру, инновациялар, шағын бизнес және кәсіпкерлік салаларына ерекше назар аударылады.

Саммит соңында екіжақты құжаттардың үлкен жинағына қол қойылады деп күтілуде.

Сондай-ақ, Мемлекет басшысы Сауд Арабиясының жетекші компанияларының, ықпалды халықаралық ұйымдардың – Ислам Ынтымақтастығы Ұйымының және Ислам Даму Банкінің жетекшілерімен кездесу өткізеді.

Осы ретте Мемлекет басшысы Мекке Мукаррама мен Медина Мунаввараны зиярат етпек. Айта кетейік, бұл сапар Өзбекстан Президентінің соңғы 30 жылдағы Сауд Арабиясына жасаған алғашқы сапары болмақ.

Сондай-ақ, апта ішінде Президенттің қатысуымен әлеуметтік-экономикалық мәселелер бойынша жиындар өткізу жоспарланған.