Мемлекет басшысы Шавкат Мирзиёев 1 қыркүйек күні Париждегі Паралимпиада ойындарында жеңіске жетіп, ұлттық құрама қоржынындағы алтын медальдар санын беске жеткізген жеңіл атлеттер Элбек Султонов, Ёрқинбек Одилов және таэквондошы Асадбек Тоштемировпен телефон арқылы сөйлесті.

Президент өз атынан және барлық отандастарымыз атынан спортшыларды шын жүректен құттықтап, бұл жеңістер ең ұлы, ең қастерлі мереке – Тәуелсіздік күніне лайық сый болғанын атап өтті. Паралимпиадашыларымыздың жанкешті бәсекелерде көрсетіп жатқан жоғары шеберлігі мен қайсарлығы бүкіл халқымызды, әсіресе, жастарды рухтандырып жатқаны айтылды.

Мемлекет басшысы спортшылардың бапкерлері мен ата-аналарына алғыс білдіріп, кеше жүлдегер атанған спортшыларға да сәлем мен құттықтау жолдады.

Чемпиондар әрбір жарыста ел басшысы мен халқымыздың қолдауын сезінгендерін айтып, елімізде паралимпиада қозғалысының дамуына жасалып жатқан жағдайлар үшін алғыстарын білдірді.

ӨзА