Өзбекстан Республикасының Президенті Шавкат Мирзиёев 20 тамызда Будапешт қаласына сапары аясында Еуропаның жетекші «OTP» банкінің басқарма төрағасы Шандор Чаньиді қабылдады.

Мемлекет басшысы венгр бизнесмендерімен бірлескен алғашқы ірі жобаның сәтті жүзеге асырылғанын – «OTP» банкінің Өзбекстан нарығына шыққанын атап өтті.

«Ипотека банкті» жекешелендіру туралы келісімнің сәтті жүзеге асырылуы шетелдік инвесторлар үшін маңызды сигнал болып, олардың Өзбекстанға деген қызығушылығын арттырғаны сөз болды.

Кездесуде Өзбекстанның банк-қаржы секторын дамыту, оның ішінде қызмет көрсету сапасын жетілдіру, бизнеске инновациялық және қолжетімді өнімдерді енгізу мәселелері талқыланды.

Өнеркәсіптік кооперациясы, ауыл шаруашылығы және басқа да басым секторлардағы бірлескен жобаларды мүмкіндігінше тезірек қолдау мен ілгерілетудің тиімді қаржылық құралдарының маңыздылығы атап өтілді.

Банк басшысы Шандор Чаньи Өзбекстан басшысына венгр компанияларына инвестициялық қызметін кеңейту үшін жасалған қолайлы жағдай үшін шын жүректен алғыс айтты.