Өзбекстан Республикасының Президенті Шавкат Мирзиёев ресми сапар аясында Малайзияның Ислам өнері мұражайына барды.

Айта кету керек, бұл кешен елдің ең ірі мұражайларының бірі болып табылады. Ол 1998 жылы құрылған.

Мұражай дәстүрлі ислам сәулет өнері стилінде салынған және оның жалпы алаңы 30 мың шаршы метрден асады.

Ғимараттың күмбезінің ішкі бөлігін безендіру және реставрациялау жұмыстарында өзбек шеберлері қатысты.

Мұражайда 10 мыңнан астам ислам өнері туындысы сақталып отыр. Тұрақты экспозицияда Құран қолжазбаларының ерекше жинағы, керамика мен бағалы бұйымдар, қару-жарақ үлгілері мен ғимарат макеттері, әшекейлер, теңгелер және басқа да заттар көрсетілуде.

Мұражай қорында қазіргі Өзбекстан аумағында түрлі тарихи кезеңдерде жасалған 200-ге жуық бірегей экспонаттар ерекше орын алады. Олардың арасында орта ғасырларға жататын қолжазбалар, зергерлік бұйымдар, әйгілі абр маталары мен киім үлгілері, Шығыс Ренессансымен байланысты керамикалық бұйымдар бар.

Мемлекет басшысы экспонаттарды тамашалау барысында бірлескен зерттеулер жүргізу және көрмелер ұйымдастыру, ғылыми және мәдени алмасуды кеңейтудің маңыздылығын атап өтті.