20 тамызда Өзбекстан Республикасы Президенті Шавкат Мирзияевтің төрағалығымен мүлдем жаңа жүйе, тәсілдер мен процедуралар негізінде экономикалық белсенділікті арттыру және әр аудан мен қалада қосымша резервтер құру шаралары туралы бейнеконференциялы жиын өтті.

Жиында кәсіпкерлікті дамыту бойынша қала мен аудандарда қосымша мүмкіндіктері талқыланып, оларды жүзеге асыру шаралары анықталды.

Биыл жылдың 1 желтоқсанына дейін 500 млрд сум қосымша резерв қалыптастыруға толық мүмкіндік бар. Бұл қаражат көмекке мұқтаж халықты қолдауға республикалық бюджеттен бөлінетін қаражатқа қосымша ресурс болады.

Тамыз айында 20 мың және қыркүйек айында 26 мың кәсіпорынды толықтай өз жұмысын жалғастыру қажет болып, пандемия салдарынан оларда жинаған өнімдерін сатуға жағдай жасау керек екендігі айтылды.

Өңірлерде кәсіпкерлікті одан әрі дамыту үшін көптеген ресурстар бар екендігі айтылып, оған мысал ретінде, мемлекеттік субсидиялар мен төмен пайыздық несиелер арқасында Фориш ауданында 100 құдық қазылып, 2700 гектар қараусыз қалған жерге 6 жүзім алқабы жасалса, соның нәтижесінде 2500 жаңа жұмыс орны ашылып, қосымша бюджет түсімдері қамтамасыз етіледі.

«Көлеңкелі экономиканы» қысқарту және сол арқылы қосымша резервтер құру тапсырылды. Мұндай қосымша ресурстар халықтың қолдауға мұқтаж топтарына көмек үшін маңызды ресурс болады.

Бұдан бөлек жиында жұмыссыз жастар мен қыз-келіншектерді жұмыспен қамту мәселелеріне ерекше көңіл бөлініп, вице-премьерге оларды жоғары сұранысқа ие кәсіптер мен кәсіпкерлікке оқыту және осы негізде бизнесті бастауға қаржылық қолдау көрсету процедурасын енгізу тапсырылды. Бұл жұмысты жүйелі түрде жүргізу үшін елімізде енгізілген «темір кітапша» сияқты, жұмыссыз жастарға арналған жеке тізімдермен («Жастар кітабы»), жұмыссыз және панасыз қыз-келіншектерге арналған жаңа («Әйелдер кітапшасы») тізім жасалып олардың әрқайсысымен жаңа тәртіпте жұмыс жүргізілетін болады.