Өзбекстан Республикасы Президенті Шавкат Мирзиёевтің 3 шілдеде Еуропадағы қауіпсіздік және ынтымақтастық ұйымы Демократиялық институттар және адам құқықтары жөніндегі бюросы (ЕҚЫҰ) миссиясының басшысы Урсула Гачекпен кездесуінде алдағы президенттік сайлауға дайындық және оны өткізу мәселелері талқыланды.

Мемлекет басшысы ЕҚЫҰ-мен сындарлы диалог, белсенді алмасу, ашық әрі тиімді ынтымақтастық жолға қойылғанын атап өтті.

Бюро сарапшылары ұлттық сайлау жүйесін жаңғыртуға, соның ішінде Өзбекстан Сайлау кодексін әзірлеуге қатысты.

ЕҚЫҰ/ДИАҚБ миссиясы осы жылдың 30 сәуірінде өткен Конституция бойынша референдумды бақылауға да қатысқан еді.

Кездесуде жалпыхалықтық дауыс беру процесін халықаралық стандарттарға сәйкес өткізудің түрлі аспектілері бойынша жан-жақты пікір алмасылды.

ДИАҚБ миссиясының басшысы Урсула Гачек Жаңа Өзбекстандағы артқа қайтпайтын демократиялық жаңару мен әлеуметтік-экономикалық реформаларды тереңдету үдерісін қолдады. Өзбекстанда сайлауды ашық және әділ өткізу бойынша атқарылып жатқан шаралар атап өтілді.