Өзбекстан Республикасының Президенті Шавкат Мирзиёев Пәкістанға мемлекеттік сапары аясындағы іскерлік іс-шаралар барысында «Engro Group» компаниясының төрағасы Ахсан Зафар Сайидпен кездесу өткізді.

Аталған компания Пәкістанның энергетикалық қауіпсіздігін қамтамасыз етуге елеулі үлес қосып келеді және энергетика, мұнай-химия, сондай-ақ ауыл шаруашылығы салаларында мол тәжірибеге ие.

Кездесу барысында Мемлекет басшысы компанияның химия өнеркәсібіндегі жобаларды жүзеге асыруға қатысу ниетін қолдады. Сонымен қатар мал шаруашылығын дамыту және мал өнімдерін жеткізу бағытында әріптестікті жолға қою үшін үлкен әлеует бар екені атап өтілді.