Баку қаласында БҰҰ-ның Климат өзгерісі бойынша COP29 конференциясы аясында Өзбекстан Республикасының Президенті Шавкат Мирзиёев Черногория Президенті Яков Милатовичпен кездесу өткізді.

Кездесу барысында саяси, сауда-экономикалық, мәдени-гуманитарлық және туризм салаларында өзара тиімді ынтымақтастықты орнату мәселелері талқыланды.

Экономикалық күн тәртібін әзірлеу мақсатында Үкіметаралық комиссия құру және оның алғашқы отырысын келесі жылы Ташкент қаласында бизнес форуммен бірге өткізу ұсынылды.

Сонымен қатар, сауда-экономикалық ынтымақтастық және инвестицияларды қорғау туралы негізгі келісімдер дайындалып, басым бағыттар бойынша өнеркәсіптік кооперацияны дамытуға арналған «жол картасы» жасалатын болады.

Жоғары деңгейдегі алдағы кездесулер жоспары да қарастырылды.