Мемлекет басшысы Бостандық ауданына жасаған сапары кезінде «Угам-1» шағын су электр станциясымен танысты.

Өзбекстанда энергия қуаттарын арттыру үшін барлық көздерден пайдаланылып отыр. Әсіресе, өңірлерде күнделікті энергиямен қамтамасыз етуде су энергетикасы тиімді әрі ыңғайлы. Олар жалпы желіге қосылмай-ақ, әрбір өңір және ауылды электрмен қамтамасыз ете алады. Электр энергиясының құны да басқа көздерге қарағанда анағұрлым арзан. Сондықтан кейінгі жылдары осы саланы дамытуға ерекше көңіл бөлінуде.

Соңғы жылдары республикада 630 миллион долларлық инвестициялар есебінен 400 мегаватттан астам қуаты бар жаңа су электр станциялары салынды, олардың жалпы қуаты 2,2 гигаваттқа жетті.

Ташкент облысында жалпы қуаты 1 330 мегаватт болатын 25 су электр станциясы бар. Бұл республикадағы су энергетикасының жалпы қуатының 60 пайызын құрайды. Қазіргі уақытта құны 880 миллион долларды құрайтын және қуаты 340 мегаватт болатын тағы 4 ГЭС салынуда. Сонымен қатар, 2028 жылға дейін облыста жалпы қуаты шамамен 2 400 мегаватт болатын, құны 4 миллиард 800 миллион долларды құрайтын 23 жоба жүзеге асырылады.

Қуаты 1,48 мегаватт болатын «Угам-1» шағын ГЭС-ін салу арқылы жылына 11,8 миллион киловатт-сағат экологиялық таза электр энергиясын өндіру мүмкіндігі пайда болды. Заманауи тиімді гидроагрегаттар мен автоматты басқару жүйелері орнатылды. Айта кетерлігі, бұл жобада тек отандық өнімдер қолданылды. Басқаша айтқанда, оны ұлттық бренд деп атауға болады.

Жоба жүзеге асырылғаннан кейін «Чорбоғ», «Хумсан» және «Угам» ауылдарындағы 5 мыңға жуық үй және демалыс орындары тұрақты электр энергиясымен қамтамасыз етіледі. Жылына шамамен 4 миллион текше метр газ үнемделеді.

Қазіргі уақытта «Угам» өзенінде екі шағын ГЭС салынды. Әрқайсысы жылына 200 миллиард сум табыс әкелуде. Су ағынын қайталап пайдалану арқылы осындай станцияларды онға дейін жеткізу мүмкіндігі көрсетілді.

Бұл тек энергетика мәселесін шешіп қана қоймай, өңірдің инфрақұрылымын жақсартуға да мүмкіндік береді. Кәсіпкерлік және ауыл шаруашылығы саласында жаңа кәсіпорындар пайда болады.

Мемлекет басшысына өңірде жоспарланған жобалар туралы мәлімет берілді.

Саланы шетелдік инвестициялар мен жеке секторды тарту арқылы 2030 жылға дейін жалпы қуаттарды 6 мың мегаваттқа жеткізу жоспарлануда. Бұл үшін құқықтық және экономикалық жағдайлар жасалған. Атап айтқанда, Өзбекстанда екі мыңға дейін шағын және микро ГЭС салу мүмкіндігі бар.