Иордания Хашимит Корольдігінің Королі II Абдалла бен әл-Хусейн Өзбекстан Республикасының Президенті Шавкат Мирзиёевпен бірге Самарқанд халықаралық туризм орталығындағы «Мәңгілік қала» тарихи-этнографиялық кешенін барып көрді.

Осы жерде мәртебелі мейман халқымыздың бай мәдени мұрасын, қолөнер мен қолданбалы өнерді бейнелейтін көрмелерді тамашалады. Сондай-ақ би ансамбльдерінің қойылымдары ұсынылды.

Бұл жерде халқымыздың ұлы өткені бейнеленіп, тарихи қалаларымыздағы көрнекті орындардың нұсқалары қайта жасалған. Ұлттық дәстүрлерімізбен қатар, достас халықтармен байланыстар тарихы да көрсетілген.

Осындай мазмұн, тарих пен бүгінгі күннің үйлесімі қонақтарда зор әсер қалдырды.

Өзбекстан–Иордания саммитінің негізгі іс-шаралары, соның ішінде жоғары деңгейдегі келіссөздер ертең, 26 тамыз күні өтеді.