Өзбекстан Президенті Шавкат Мирзиёев пен Қырғызстан Президенті Садыр Жапаров жұбайларымен бірге Өзбекстанда Қырғызстанның мәдениет күндерінің басталуына арналған концертке қатысты.

Екі елдің өнер шеберлерінің осынау концерті тарихи тамыры терең, діні, құндылықтары мен дәстүрлері біртұтас өзбек пен қырғыз халықтарының көп ғасырлық достығының көрінісі болды.

Өзбекстан мен Қырғызстан басшыларының күш-жігерінің арқасында бауырлас халықтар жақындасып, мемлекетаралық қарым-қатынастар жан-жақты стратегиялық әріптестік деңгейіне көтерілді.

Халықтарымыздың мәдениетінің байлығы, өзіндік ерекшелігі және сонымен бірге ортақтығы дарынды өнерпаздардың орындауындағы ән-күйлерден көрініс тапты.