Өзбекстандағы мемлекеттік мектептерге бірыңғай мектеп формасын енгізу мерзімі кейінге шегерілді.

Білім министрі Бахтиёр Саидовтың мәлімдеуінше, Өзбекстанда 2025 жылға дейін мемлекеттік мектептерде бірыңғай форма кезең-кезеңімен енгізіледі. Қазіргі уақытта бірыңғай форманы сатып алу талап етілмейді. 

Біріншіден, бейімделу үдерісіне біраз уақыт қажеттігін ескере отырып, бірыңғай мектеп формасы 2025 жылға дейін кезең-кезеңімен енгізіледі.

Яғни, 2022 жылдың қыркүйегі жаңа оқу жылынан бастап ата-аналардан мектеп формасын сатып алу талап етілмейді, мектепке бірыңғай формамен келмейтін оқушыларға ешқандай қарсылық жоқ.

Екіншіден, ұлттық құндылықтарымызды негізге ала отырып, оқушы қыздардың мектепке ашық түсті ұлттық орамалды бастың арқа тұсынан ​​орап келуіне тыйым салынбайды.

Үшіншіден, оқушы қыздардың киімі, яғни белдемше мен жейдесі жеңінің ұзындығына қатысты түсінбеушілік бар.

Айта кету керек, ең шекті қысқа өлшемі бекітілген нұсқада көрсетілген. Яғни, оқушы қыздардың белдемшелері мен жейдесінің ұзындығын ұзартуға рұқсат етілген, бірақ олар көрсетілген өлшемнен қысқа болмауы керек.

Төртіншіден, күн көрісі төмен отбасыларға жергілікті өзін-өзі басқару органдары жергілікті бюджеттен қосымша қаражат пен мектеп формасын сатып алу үшін «Темір», «Әйелдер» және «Жастар» дәптері қорларынан қаражат бөледі.

Ата-аналарға ескерту ретінде, мектеп әкімшілігі ешбір кәсіпкер, кәсіпорыннан мектеп формасын сатып алуға мәжбүрлемейді және мұндай жағдайға жол берілмейді, делінген хабарламада.