Өзбекстанның жалпы орта білім беру мекемелерінде өзбек ым-ишара тілі мен Брайль әліпбиі оқытылады.

Осыған орай Мемлекет басшысының «Өзбек ым-ишара тілі мен Брайль әліпбиін дамыту жөніндегі қосымша шаралар туралы» шешімі қабылданды.

Қаулыға сәйкес 2023 жылдың 1 қаңтарынан бастап жалпы орта білім беру мекемелерінде және «Ишга Мархамат» моноорталықтарында өзбек ым-ишара тілі мен Брайль қарпін оқыту бойынша арнайы білім беру курстары ұйымдастырылады. 

Арнайы оқыту курстарында көру, есту және сөйлеу қабілеті нашар адамдар, сондай-ақ осы санаттағы кәмелетке толмағандардың ата-аналары немесе олардың орнын басатын жандар - тегін, басқа адамдар - ақылы негізде оқытылады. 

Сонымен қатар, 2023 жылдың 1 қаңтарынан бастап мемлекеттік телеарналардағы апта сайынғы хабарлар уақытының кемінде бес пайызы сурдо, жасырын субтитрлер арқылы көрсетіледі.

2024/2025 оқу жылынан бастап саңырау және нашар еститін балаларға арналған мамандандырылған білім беру ұйымдарына сабақта қолданылатын ым-ишара тілін ғана білетін педагогтар ұстаз ретінде жұмысқа қабылданады.

2023/2024 оқу жылы үшін жоғары оқу орындарына қабылдаудың мемлекеттік тапсырысының параметрлерін қалыптастыру кезінде сурдопедагогика және тифлопедагогика бағыттары бойынша мемлекеттік грант негізінде қабылдау коэффициенттері 25 пайызға ұлғайтылады.