Журналист Мария Элена Феррелни ўлдиришда иштирок этган уч киши 30 йиллик қамоқ жазосини олди.

– Ушбу мудҳиш воқеа 2020 йил 30 мартда Веракрус штатининг Папантла шаҳрида юз берганди, дейди штат губернатори Куитлауак Гарсия.

“Штат суди журналист аёл Мария Элена Феррелнинг ўлимида айбдор деб топилган биринчи гуруҳдаги уч кишига Бош прокуратура сўраган 30 йиллик қамоқ жазосини маъқуллади. Веракрусда жиноят жазосиз қолмайди”, - деб ёзган у ижтимоий тармоқдаги саҳифасида.

50 ёшли журналист, Diario de Xalapa, Heraldo de Poza Rica ва Quinto Poder нашрларининг мухбири  Мария Элена Феррель 2020 йил 30 мартда жиноятчилар қўлида ҳалок бўлган эди. Ўшанда у ўз машинасига ўтираётганда қуролли гуруҳ томонидан ўққа тутилган.

Articulo 19 ташкилотининг маълумотига кўра, 2019-2022 йилларда  Мексикада ўзининг касбий фаолияти туфайли 36 нафар журналист ўлдириб кетилган.