Мексикалик журналист Маргарито Мартинес Тихуанадаги ўз уйи остонасида отиб кетилди, деб хабар берди журналист ишлаган Cadena Noticias нашри.

"Маргарито Мартинес Эскивель, Тихуанада полиция янгиликларини ёритиб борувчи репортёр эди. У бугун эрталаб уйидан чиқаётганда отиб кетилди. Полиция текширувни бошлади, лекин воқеа бўйича расмий позициясини ҳали эълон қилгани йўқ", - деган марҳумнинг турмуш ўртоғи оммавий ахборот воситалари вакиллари билан учрашувда.
 

Мартинес маҳаллий ва халқаро нашрлар билан ҳамкорлик қилиб келган. У мазкур ҳудуддаги жиноятчилик мавзусида мақолалар ёзадиган ва фотосуратчи журналист бўлган. 
2021 йилда Мексикада  етти журналист ўлдириб кетилди. Бу дунё мамлакатлари орасида энг юқори кўрсаткичдир.