Мексиканың Морелос штаты Куэрнавака қаласындағы футбол стадионында әуесқой ойын кезінде белгісіз біреулер көрермендерге оқ жаудырды, шабуыл нәтижесінде төрт адам қаза тауып, үшеуі жарақат алды.

«Кеше Куэрнавака қаласындағы Флорес Магон спорт кешенінің футбол алаңында болған шабуылда төрт адам қаза тауып, үшеуі жараланды», - деп хабарлады Silla Rota.

Хабарда айтылуынша, қарулы адамдар ойын кезінде футбол алаңына кіріп, трибуналарға оқ жаудырған, содан кейін олар көлік пен екі мотоциклге отырып қашып кеткен. Оқиға орнына келген дәрігерлер төрт адамның қайтыс болғанын мәлімдеді, тағы үшеуі ауруханаға жеткізілді.

Жергілікті БАҚ мәліметінде, футбол стадионы орналасқан аймақ жиі ұйымдасқан қылмыстық оқиғалар сахнасына айналғаны айтылған.