Мексиканың Мичоакан штатында туристік автобус апатқа ұшырап, 10 адамның өмірін қиған.

«Red Michoacan» басылымының хабарлауынша, оқиға кезінде 26 адам жарақат алған, олардың алтауының жағдайы ауыр.

Алғашқы деректерге сәйкес, автобус Уруапан қаласынан Тляльпухага бағыт алып бара жатқанда, Морелия – Пацкуаро автомагистралінің 23-шақырымында аударылып кеткен. Құтқару қызметі мен медицина мамандары оқиға орнына дереу жетіп, зардап шеккендерді емдеу мекемелеріне жеткізген.

Жолдың осы бөлігінде көлік қозғалысы уақытша тоқтатылып, ресми органдар жүргізушілерге балама бағыттарды пайдалануды ұсынып отыр. Штаттың Бас прокуратурасы апаттың себептерін анықтау үшін тергеу бастаған.