Meksika Prezidenti Klaudiya Sheynbaum mamlakat Donald Tramp tashabbusi bilan tuzilgan G‘azo bo‘yicha Tinchlik kengashiga qo‘shilmasligi, jarayonda kuzatuvchi vazifasini bajarishini bildirdi.

Milliy saroyda o‘tkazilgan kundalik matbuot anjumanida so‘zga chiqqan davlat rahbari Meksikaning BMTdagi elchisiga shu haqda ma’lum qildi.

– Bu holatda, ayniqsa Yaqin Sharqda tinchlik va Falastin masalasiga kelsak, biz Falastinni davlat sifatida tan olamiz, – dedi Sheynbaum. – Shuning uchun ikki davlat – Isroil va Falastinning ishtiroki muhim. Binobarin, uchrashuv bunday formatda rejalashtirilmagan. Bizni qatnashishga taklif qilishdi va agar faol ishtirok etmasak, kuzatuvchi maqomini tanlashimiz mumkinligini ham aytishdi. Shu tariqa tashqi ishlar vaziri bilan BMTdagi vakilimiz kuzatuvchi sifatida qatnashishiga qaror qildik.

Eslatib o‘tamiz, joriy yil 22-yanvar kuni Shveysariyaning Davos shahrida G‘azo bo‘yicha Tinchlik kengashi nizomini imzolash marosimi bo‘lib o‘tgan.

G.Sattorova, O‘zA