Өзбекстанда медицина қызметкерінің қызметіне кедергі келтіргендер әкімшілік жауапкершілікке тартылады.

Өзбекстан Президенті «Медицина қызметкерінің заңды медициналық қызметіне кедергі келтіргені үшін жауапкершілікті белгілеуге байланысты Өзбекстан Республикасының Әкімшілік жауапкершілік туралы кодексіне толықтырулар енгізу туралы» заңға қол қойды.

Осы заң арқылы Әкімшілік жауапкершілік туралы кодекс жаңа 197-7 баппен толықтырылды, онда медицина қызметкерінің заңды медициналық қызметіне кедергі келтіргені немесе осы мақсатта медицина қызметкеріне заңға қайшы әртүрлі жағдаймен ықпал еткені үшін әкімшілік жауапкершілік белгіленген.

Медицина маманы қызметіне кедергі үшін азаматтарға 1,5 миллион сумнан 2,1 миллион сумға дейін (базалық есептеу мөлшері бойынша 5-тен 7 есесіне дейін) айыппұл салынады, ал лауазымды тұлғаларға 2,1 миллионнан 3 миллион сумға дейін (7-ден 10 есеге дейін) айыппұл салынады немесе 15  тәулікке дейін әкімшілік қамалады.

Осы Заң ресми жарияланған күнінен бастап қолданысқа енгізіледі.

Мәліметтерге сәйкес, 2019-2022 жылдары республикада медицина қызметкерлеріне қарсы 285-тен астам жағдайда түрлі қарсы әрекет жағдайы тіркелген.