Меҳнатга ҳақ тўлаш, пенсиялар ва бошқа тўловлар миқдорлари аниқлаштирилмоқда
Олий Мажлис Сенати йигирма тўртинчи ялпи мажлисида “Меҳнатга ҳақ тўлаш, пенсиялар ва бошқа тўловлар миқдорларини аниқлаш тартиби такомиллаштирилганлиги муносабати билан Ўзбекистон Республикасининг айрим қонун ҳужжатларига ўзгартишлар киритиш тўғрисида”ги қонун муҳокама қилинди.
Олий Мажлис Сенати йигирма тўртинчи ялпи мажлисида “Меҳнатга ҳақ тўлаш, пенсиялар ва бошқа тўловлар миқдорларини аниқлаш тартиби такомиллаштирилганлиги муносабати билан Ўзбекистон Республикасининг айрим қонун ҳужжатларига ўзгартишлар киритиш тўғрисида”ги қонун муҳокама қилинди.
Қайд этилганидек, қонун Ўзбекистон Республикаси Президентининг “Меҳнатга ҳақ тўлаш, пенсиялар ва бошқа тўловлар миқдорларини аниқлаш тартибини такомиллаштириш тўғрисида” 2019 йил 21 майдаги фармонидан келиб чиқиб, шунингдек қонун ҳужжатларини мувофиқлаштириш мақсадида Вазирлар Маҳкамаси томонидан ишлаб чиқилган.
Қонун билан Ўзбекистон Республикасининг 25 та қонуни, 12 та кодекси, шунингдек қонунлар билан тасдиқланган 17 та низомга ўзгартиш ва қўшимчалар киритилмоқда.
Жумладан, “иш ҳақининг энг кам миқдори” термини “меҳнатга ҳақ тўлашнинг энг кам миқдори”, “базавий ҳисоблаш миқдори” ва “пенсияни ҳисоблашнинг базавий миқдори” терминларига ўзгартирилди.
Қонун сенаторлар томонидан маъқулланди.