Хабарингиз бор, 12-17 ноябр кунлари Тошкентда Бутунжаҳон бокс кенгашининг (WBC) йиллик конвенция йиғилиши ўтказилди. Профессионал бокс дунёсининг энг машҳур юлдузлари иштирок этадиган ушбу анжуманда ўз даврида чемпионлик мартабасига эришган ўнлаб чемпионлар қатори афсонавий Майк Тайсон, Эвандер Ҳолифилд каби таниқли боксчилар ҳам иштирок этишмоқда.

Бугун Ўзбекистон Миллий Паралимпия қўмитасида афсонавий жаҳон чемпионлари Майк Тайсон ва Эвандер Ҳолифилд билан учрашув бўлиб ўтди. Учрашувда паралимпия ўйинлари ғолиблари ва 22-меҳрибонлик уйи тарбияланувчилари иштирок этишди. Афсонавий чемпионлар билан учрашув қатнашувчиларда бир олам таассурот қолдирибгина қолмай меҳмонларнинг улар учун айтилган сўзлари хотираларда бир умрга сақланиб қолиши аниқ.

<iframe width="650" height="420" src="https://www.youtube.com/embed/88gD6XLSTsY" title="BIZ UDDALADIK, SIZ HAM UDDALAYSIZ" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Бу каби учрашувлар спортчиларимизга ғолиблик учун ўзгача руҳ ва рағбат беради. Уларнинг таассуротларини эшитарканмиз, ташкиллаштирилган эътибордан бир олам хурсандчилик олганликларини гувоҳи бўлдик. Меҳмонлар паралимпия ғолиблари ва меҳрибонлик уйи тарбияланувчиларига эсдалик совғалари топширишди. 

Юртимиз меҳмонлари эса, WBC ташкилотининг 61-конвенцияси доирасида бугун 17 ноябр куни Тошкентдаги "HUMO arena" спорт саройида бир қатор номдор чарм қўлқоп усталари иштирокида ташкил этилаётган бокс жангларида меҳмон бўлишади.

М.Турдалиева, А.Аҳмедов, ЎзА