АҚШ Мемлекеттік хатшысы Майк Помпео коронавирус жұқтырған адаммен байланыста болғаннан кейін өзін оқшаулаған.

CNN Мемлекеттік департаменттің өкіліне сілтеме жасай хабарлаған мәліметінде айтылуынша, АҚШ Мемлекеттік хатшысы Майк Помпео COVID-19 жұқтырған жанмен байланысқан. Содан кейін ол коронавирусқа тест тапсырған, алайда нәтижесі теріс көрсеткен. Дегенмен АҚШ әкімшілігінің ұсынымдарына сәйкес ол карантинге алынды және жеке ақпараттың қорғалуына байланысты індет жұқтырған науқастың аты-жөні аталмайды,- делінген.

Соңғы мәліметтерге сәйкес, Америка Құрама Штаттары коронавирустық инфекцияның тарауы мен өлім саны бойынша әлемде көшбастап келеді. Елде 17,1 миллионнан астам адам вирусты жұқтырып, 312 мың адам осы аурудан қайтыс болған.