Shu kunlarda mamlakatimizda suzish bo‘yicha Paralimpiya o‘yinlari g‘olibi, Yevropa chempioni va rekordchisi, insonlarga ruhiy dalda berish bo‘yicha ajoyib notiq Aleksey Talay bilan uchrashuv va muloqotlar tashkil etilmoqda.

Shunday tadbirlardan biri poytaxtimizdagi “O‘zbekiston” xalqaro forumlar saroyida O‘zbekiston Respublikasi Maktabgacha ta’lim vazirligi hamda O‘zbekiston Milliy paralimpiya qo‘mitasi hamkorligida tashkil etildi.  

Unda matonatli sportchi va notiq Aleksey Talay ixtisoslashtirilgan maktab-internatlari tarbiyalanuvchilari, Olimpiya va Paralimpiya sport turlariga tayyorlash markazi o‘quvchilari, talabalari hamda paralimpiya trenerlari uchun motivatsion trening o‘tkazdi.  

Trening davomida Aleksey Talay o‘zining bosib o‘tgan mashaqqatli va ibratli hayot yo‘li, erishgan yutuqlari haqida so‘zlab berdi. Tadbirning ikkinchi qismida esa matonat va iroda sohibi tinglovchilarning savolariga javob berdi.  

Qiziqarli o‘tgan tadbirda sportni rivojlantirish vaziri Adham Ikromov, Osiyo Paralimpiya qo‘mitasi vitse-prezidenti, Milliy Paralimpiya qo‘mitasi raisi Muxtorxon Toshxo‘jayev, Milliy olimpiya qo‘mitasi bosh kotibi Oybek Qosimov hamda O‘zbekiston dzyudo federatsiyasi raisi Azizjon Komilov ishtirok etdi.  

O‘zA