Қытайдың оңтүстігін жойқын «Матмо» тайфуны шарпыды. Бұл – ҚХР жағалауында биыл тіркелген жиырма бірінші дауыл.

Қытай орталық теледидарының мәліметінше, табиғи апаттың қуаты соншалық, жел екпіні секундына 42 метрге дейін күшейген.

Қауіптің алдын алу үшін билік Гуандунда 150 мыңнан астам адамды, ал Хайнань аралында 110 мыңға жуық тұрғынды қауіпсіз аймақтарға көшірді.

Климат зерттеушілердің болжауынша, тайфун ішкі өңірлерге өткен сайын біртіндеп әлсірегенімен, алдағы тәулікте Хайнань аралы мен Гуанси-Чжуан автономиялық аймағының оңтүстік-батысында нөсер жаңбыр мен қатты жел соғатыны күтілуде.