Гулистон шаҳрида “Unicall” масофавий хизматлар экспорти (BPO) маркази ташкил этилди.

Марказнинг очилиш маросимига бағишланган тадбирда Сирдарё вилоят ҳокими Акмалжон Маҳмудалиев, IT Park директори ўринбосари Файзулла Арипжонов ва соҳа вакиллари иштирок этди. Марказ ходимларига IT Park резиденти гувоҳномаси топширилди.

Ҳозирда бу ерда 50 нафар ўғил-қиз иш билан таъминланган бўлса, келгусида улар сонини 100 нафарга етказиш режалаштирилган. Йил охиригача IT хизматлар экспортини 500 минг АҚШ долларига олиб чиқиш кутилмоқда.

[gallery-12889]

Шаҳриёр ОРТИҚБОЕВ (сурат), ЎзА