Amerikalik multimilliarder Ilon Mask o‘ziga qarashli fazoviy texnologiyalar bilan shug‘ullanuvchi “SpaceX” kompaniyasini sun’iy intellekt sohasiga ixtisoslashgan “xAI” bilan birlashtirganini e’lon qildi. Bu haqda kompaniya bayonotida ma’lum qilindi.

Ayni jarayonda “xAI” sun’iy intellekt ishlanmalari “SpaceX” loyihalariga integratsiya qilinadi. Jumladan, koinotda hisoblash markazi barpo etiladi. Ushbu majmuaning ulkan energiya ehtiyoji Quyosh energiyasi hisobidan qoplanishi ko‘zda tutilgan.

Tadbirkor ta’kidlashicha, bunday yondashuv Oyda o‘zini o‘zi kengaytira oladigan bazalar barpo etish, Marsda butun boshli sivilizatsiya shakllantirishga xizmat qiladi.

D.Hakimov, O‘zA