Ғузордаги “Марказий” стадионида футбол бўйича Ўзбекистон Суперлигасининг 21-туридан ўрин олган “Машъал” — “Шўртан” баҳси бўлиб ўтди.

Учрашувнинг биринчи бўлими 36-дақиқасида Самандар Очилов ҳисобни очган бўлса, Ҳумоюн Муртозоев 41-дақиқага келиб “Машъал” клубининг иккинчи голига муаллифлик қилди. 

Иккинчи бўлимни бироз сустроқ бошлаган мезбонлар 56-дақиқада гол ўтказиб юборди. “Шўртан” жамоасининг мазкур голини Пўлатхўжа Холдорхонов киритди. 

Шу тариқа, “Машъал” 2:1 ҳисобида зафар қучди ва очколарини 21 тага етказиб олди. “Шўртан” 11 очко билан 16-поғонада қолди.

Жавоҳир Тошхўжаев, ЎзА