Марокко 2030 жылғы әлем чемпионатына арнап салуды жоспарлап отырған жаңа стадионның жобасын таныстырды.

The Sun басылымының хабарлауынша, стадион «Гранд Стад де Касабланка» деп аталады. 

Арена трибуналары 115 мың көрерменге арналған және бұл әлем чемпионаты жарыстарын өткізген ең үлкен стадион болады. Стадион Әл-Мансурия қаласында салынады.

Марокколықтар осы стадионды салу арқылы 2030 жылғы әлем чемпионатының финалын өткізу құқығын жеңіп алғысы келеді. Испания да финалды Мадридте немесе Барселонада өткізуге үмітті.

Естеріңізге сала кетейік, футболдан әлем чемпионаты алғаш рет үш құрлық пен алты мемлекетте өтеді. 2030 жылғы әлем чемпионатындағы матчтардың көпшілігі Марокко, Испания және Португалияда өтеді. Үш ойын Оңтүстік Америкада өтеді. Ашылу матчы Уругвайда өтеді және жергілікті ұлттық құрама қатысады. Сондай-ақ Аргентина мен Парагвай құрамалары өз елдерінде алғашқы кездесулерін өткізеді.