Марокаш Миллий геофизика институтининг маълум қилишича, кеча маҳаллий вақт билан 23:00 атрофида эпицентри Марракеш-Сафи минтақасида бўлган 7,2 магнитудалик зилзила содир бўлган. АҚШ Геологик хизмати маълумотларига кўра, зилзила ўчоғи 18,5 километр чуқурликда, магнитудаси эса 6,8 баллни ташкил қилган.

Ижтимоий тармоқларда, ҳолат акс этган видеолар тарқалмоқда.

Дастлабки, маълумотларга кўра, кучли зилзила оқибатида 296 киши ҳалок бўлган, камида 153 киши жароҳат олиб, касалхоналарга юборилган.  

Кучли силкинишдан сўнг яна юзлаб ерости силкинишлари содир бўлган, улардан энг кучлиси 6 магнитудани ташкил қилган.  

Аксарият  афтершоклар сезилмаган, бироқ ер силкинишлари бир қанча ҳудудларда кузатилган. Кўплаб бинолар қулаган.  

Бир оз аввал Марокаш ИИВ зилзила қурбонлари сони 630 кишидан ошгани,  329 нафар жароҳатланган фуқародан 51 нафарининг аҳволи ўта оғир ҳолатда эканлигини маълум қилган эди.  

“Аl Jazeera” томонидан янгиланган маълумотга кўра, зилзила оқибатида камида 1037 киши ҳалок бўлган, 672 дан ортиқ киши эса жароҳатланган.

 <iframe width="560" height="315" src="https://www.youtube.com/embed/ADoJfVRR_M4?si=XXBu2iKusPuLQeem" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

М.Эшмирзаева, ЎзА