Марказий банк байрам ва дам олиш кунлари айрим банкларнинг валюта айирбошлаш ва пул ўтказмалари шохобчалари ишлашини маълум қилди.

Хабарингиз бор, Рамазон ҳайити муносабати билан уч кун яъни 10 апрелдан 12 апрелгача дам олиш куни этиб белгиланди. Шу кунларда қуйидаги банкларнинг валюта айирбошлаш ва пул ўтказмалари шохобчалари фаолият юритади.  

Хусусан, «Ипак йўли банк», «Ўзмиллий банк», «Бизнесни ривожлантириш банки», «Агробанк», «Ҳамкорбанк», «Tрастбанк», «Tуронбанк», «Алоқабанк», «Саноатқурилишбанк», «Халқ банки», «Асакабанк», «Инфинбанк», «Ипотека банк», «Гарант банк», "Пойтахтбанк", «Аsia Alliance bank», «Оcтобанк», «Универсалбанк», «Orient Finans Bank», «Ҳаётбанк», «Tенгебанк», «Даврбанк», «Анорбанк» иш фаолиятини олиб боради.

Бу банклар «24/7» режимида ишловчи автоматлаштирилган валюта айирбошлаш банкоматлари орқали ҳамда банк биносига ташриф буюрмаган ҳолда куннинг исталган вақтида тижорат банкларининг мобил иловалари орқали валюта айирбошлаш операциясини амалга ошириш имкониятлари ҳам мавжуд.

Ш.Маматуропова, ЎзА